Lemelo

Oleh: Rikson Ch Karundeng

Angin….
Dia so bawa pa kita
Jaoh deri da tanang akan pusa

Langgar lautan deng tangan kosong
Nda ada janji mar so ba janji
Cuma wentel di dalang dada
Tu papa, sudara deng tu’a da titip

Di sana kita ba lari….
Ta jatung…..
Maraya….
Mar kita tetap badiri
Suar deng aer mata jadi saksi

Tiap malang kita mimpi
Bangong pagi ba cari tu mimpi
Ta dusu sampe matahari pulang tidor
Ta dusu trus sampe mo dapa

Mama pe muka bakar pa kita
Sudara pe doa polo pa kita
Tu’a  pe bicara biking kita pande mo ba langka
Opo Empung buka jalang….

Di sini…
Di tampa ta da badiri akang
Kita so pegang tu mimpi
Kita so jawab tu janji
Samantara tutup mata kita mo manyanyi
Oh..Minahasa Kinatoan ku…..

Categories: Puisi