Tempo

Oleh Rikson Karundeng

Deri Nyaku

Voor se karoong…..
Voor Denni, Chandra deng Andre......

Dapa inga waktu dulu eeee....

Brapa pulu taong lalu, masih ja dapa dengar gilingan milu
Brapa puluh taong lalu masih ja dapa lia cukuran kalapa
Barapa puluh taong lalu amper siang tambor mapalus kase bangong orang
Tanta-tanta pagi-pagi baku minta api voor mo momasa di dodika
Kalu abis beras samua baku kase

Dua taong datang, dodika bagini kurang mo cari di museum

Skarang samua itu kurang sadap ja inga…..
Skarang dong bilang itu so kuno
Dunia kata so ba putar

Dong bilang kata ini oma deng opa punya. Kalu torang so break dance,,,

Skarang so jam ampa amper siang Alo masih di Warnet da ba OL
Utu masih da kongko-kongko di leput sama-sama deng cap tikus stenga
Deri tu dua puluh botol stengah so rubu
Kong napa keke' baru pulang deri depe tampa karja

Dapa inga, ja ba kost mar tetap blanja di Super Market. Biar mama so susah, tetap jaga gengsi kata...

Tu tambor skarang kurang Fredi ja pake. Hehehe...

Tambor so nda ja dapa dengar
Yang ada piring pica tanta Unggu da banting
deri om Kale' baru ta sopu
Kong tanta Mien so nimbole pi minta api
deri samua birman pe pagar so lima meter
kong di atas botol pica deng kawa duri ta hias gagah
Skarang lei kalu mo minta bras dong kase mar tetap tulis di nota bon

Skarang memang so nda rupa dulu……

Napa no dorang tu Alo-Alo. Siang malang Ol trus.